លោកជំទាវប្រធានមូលនិធិបាយ័ន បានដឹកនាំក្រុមគ្រូពេទ្យវេជ្ជសាស្ត្រសម្តេចតេជោ ចុះពិនិត្យព្យាបាលជំងឺជូនគ្រួសារកងទ័ព និងប្រជាពលរដ្ឋចំនួន២ថ្ងៃជាប់គ្នា និងបានផ្តល់អាហារពេលព្រឹក គឺនំបញ្ចុកដ៏ឈ្ងុញឆ្ងាញ់ បបរគ្រឿង និងនំប៉័ងដល់ប្រជាពលរដ្ឋ កងទ័ព និងគ្រួសារកងទ័ពនៅបរិវេណកងពលតូចលេខ៩ ស្ថិតនៅភូមិរុងរឿង១ ឃុំទឹកក្រហម ស្រុកជាំក្សាន្ត ខេត្តព្រះវិហារ កាលពីព្រឹកថ្ងៃទី២២-២៣ ខែសីហា ឆ្នាំ២០១៦ ជិត៣០០០គ្រួសារ។
បន្ទាប់ពីទទួលបានទានអាហារសម្រន់ពេលព្រឹករួច ក្រុមគ្រូពេទ្យវេជ្ជសាស្ត្រសម្តេចតេជោ នឹងបន្តពិនិត្យ ព្យាបាលជំងឺជូនប្រជាពលរដ្ឋ និងគ្រួសារកងទ័ពដោយឥតគិតថ្លៃបន្ថែមទៀត ។
ហើយ ក្នុងពិធីនេះ មានការចូលរួមពីនាយឧត្តមសេនីយ៍ គន់ គីម អគ្គមេបញ្ជាការរង និងនាយសេនាធិការចម្រុះនៃកងយោធពលខេមរភូមិន្ទ ព្រមទាំងមេទ័ពតាមកងពល ទិសភូមិភាគនីមួយៗ និងឯកឧត្តមអភិបាលខេត្តចូលរួមផងដែរ។
