ដើម្បីកាត់បន្ថយការចំណាកស្រុក ទាមទារឲ្យមានបង្កើត កម្មវិធីបណ្តុះបណ្តាលចំណេះដឹងជំនាញបច្ចេកទេសវិជ្ជាជីវៈ និងបង្កើនការងារពិតប្រាកដដល់ យុវជន ប្រជាពល រដ្ឋជាពិសេសនៅតាមបណ្តាខេត្តដាច់ស្រយាល ស្រប តាមតម្រូវការទីផ្សារហើយក៏មិនអាចខ្វះបានពីអង្គការដៃគូ គម្រោងនានាក្នុងការគាំទ្រ។
ពិធីផ្សព្វផ្សាយផ្លូវការស្តីអំពីកម្មវិធីអភិវឌ្ឍជំនាញនៅខេត្តព្រះវិហារ ក្រោមអធិបតីភាពឯកឧត្តម ប៉ុក ប៉ាន អនុរដ្ឋលេខាធិការក្រសួងការងារបណ្តុះបណ្តាលវិជ្ជាជីវៈ ឯកឧត្តម អ៊ុន ចាន់ដា អភិបាលខេត្តព្រះវិហារ លោកស្រី រ៉ាហ៊ែល ប៊ូស ប្រធានទីភ្នាក់ងារស្វីសសម្រាប់ការអភិវឌ្ឍ និងសហប្រត្តិបត្តិការ នាព្រឹកថ្ងៃទី១៤ ខែមីនា ឆ្នាំ២០១៧ នៅសាលាខេត្តព្រះវិហារ ។
