ឯកឧត្ដមបណ្ឌិត ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡាអញ្ជើញជាអធិបតីភាពក្នុងពិធីប្រកាសចូលកាន់តំណែងប្រធានមន្ទីរអប់រំ យុវជន និងកីឡាខេត្តព្រះវិហារ នាព្រឹកថ្ងៃទី០៨ ខែសីហា ឆ្នាំ២០១៧នៅសាលាខេត្តព្រះវិហារ ។ លោក ចេង លឹមហ៊ាន់ អតីតអនុប្រធានមន្ទីរអប់រំយុវជននិងកីឡាខេត្ត ត្រូវបានប្រកាសជាផ្លូវការតែងតាំងជាប្រធានមន្ទីរក្រោមវត្តមានផ្ទាល់ឯកឧត្ដមបណ្ឌិត ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា និងមានការចូលរួមពីឯកឧត្តមរដ្ឋលេខាធិការ អនុរដ្ឋលេខាធិការអគ្គនាយកដ្ឋានក្រសួងអប់រំ យុវជន និងកីឡា ឯកឧត្តមប្រធាន និងសមាជិក ក្រុមប្រឹក្សាខេត្ត អភិបាលរងខេត្ត ប្រធានមន្ទីរអង្គភាពជុំវិញខេត្ត ។
