សាខាកក្រកខេត្តព្រះវិហារ ៖ នៅថ្ងៃទី១៥ ខែឧសភា ឆ្នាំ២០១៦ នេះ សាខាកាកបាទក្រហមកម្ពុជាខេត្តព្រះវិហារ ដឹកនាំដោយ ឯកឧត្តម យុង គឹមហ៊ាន នាយកសាខា បាននាំយកអំណោយមនុស្សធម៌ចំនួន ១គ្រួសារ ផ្តល់ជូនជនរងគ្រោះកំពុងសម្រាកព្យាបាលនៅមន្ទីរពេទ្យបង្អែក ១៦ មករា ខេត្តព្រះវិហារ ដែលបណ្តាលមកពីខ្យល់កន្រ្តាក់ រលំខ្ទមចម្ការសង្កត់កាលពីល្ងាចថ្ងៃទី១៣ ខែឧសភា ឆ្នាំ២០១៦ នេះ។ក្នុងឱកាសនោះ ឯកឧត្តមនាយកសាខា បានផ្តាំផ្ញើឲ្យថែទាំសុខភាព និងត្រូវមានការប្រុងប្រយ័ត្នចំពោះគ្រោះថ្នាក់កើតឡើងជាយថា ហេតុ ព្រមទាំងបាននាំយកអំណោយផ្តល់ជូនរួមមាន ៖ មី ១កេស ត្រីខ១ យួរ ទឹកដោះគោឆៅ ១ យួរ ស្កសរ ១ កញ្ចប់ និងថវិកាចំនួន ១៥០,០០០រៀល។
