ព័ត៌មានថ្មីៗ

ឯកឧត្តម អ៊ុន ចាន់ដា អភិបាលនៃគណៈអភិបាលខេត្ត បានជំរុញឲ្យមន្រ្តីបរិស្ថានក្នុងខេត្តទាំងអស់ សហការជាមួយប្រជាពលរដ្ឋ និងសហការជាមួយសហគមន៍ការពារព្រៃឈើ ដើម្បីការពារ និងអភិរក្សធនធានធម្មជាតិឲ្យខានតែបាន។ ឯកឧត្តមបានថ្លែងបែបនេះ នៅក្នុងពិធីសំណេះសំណាល ជាមួយមន្រ្តីបរិស្ថានខេត្តព្រះវិហារ នៅព្រឹកថ្ងៃទី៤ ខែកក្កដា ឆ្នាំ២០១៧ នៅក្នុងការសំណេះសំណាលនោះដែរ លោកអភិបាលខេត្ត បានលើកឡើងទៅកាន់មន្រ្តីការពារ និងអភិរក្សថា នៅក្នុងការងារបង្ក្រាប រយៈពេលកន្លងមកឃើញថា មានការស្មុគស្មាញជាមួយប្រជាពលរដ្ឋដឹកជញ្ជូនយកទៅប្រើប្រាស់ និងឈ្មួញរកស៊ី កត្តានេះហើយធ្វើឲ្យយើងពិបាកបង្ក្រាប ហើយឯកឧត្តមក៏បានជំរុញឲ្យមន្រ្តីការពារ និងអភិរក្សត្រូវតែពិនិត្យឡើងវិញនៅរាល់ការដឹកជញ្ជូនឈើចេញពីព្រៃពីព្រោះថា កម្លាំងបរិស្ថានចូលព្រៃការពារអ្នកកាប់ឈើ មូលហេតុអ្វីបានជាមេព្រៃបង្រ្កាបបាននៅលើផ្លូវជាតិ នេះ​​ហើយសុំឲ្យមន្រ្តីទាំងអស់សហការគ្នា ដើម្បីទប់ស្កាត់ការកាប់ព្រៃឈើ យកមកធ្វើអាជីវកម្មអោយខានតែបាន៕

Posted on